کیم بیلیر بلکه بیر گون دالغالارلا چیرپینماقا کونلوم سئوینج گؤستردی! کونلومون دیغوسونا

 

بیر صاباح سس وئردیم کیم بیلیر بلکه دالغالار کیمی چیرپینماقا بیر گون دنیزه بوراخیلدیم

 

کیمسه دنیزه نیفرت بوراخماسین. من یالنیز دالغالاری سئودیم بلکه ده سونونجو اولاراق

 

آلداندیم آنجاق کیمسه دنیزه نیفرت بوراخماسین یالنیز منی ساحیلده گؤزله س...

 

بیر دالغا اولوب نیفرتلی کونولرده دینجلیک یاراداجام یالنیز منی گؤزله بیر نیسگیللی

 

دالغانی

^{گؤزلزیمی آچیرام آغیر بیر یوخودان اویانیرام آنجاق گؤزلزیمی}

^{قاماشدیرماقا بیر دامجی ایشیق یوخ آجی قارانلیق، شیرین رویالی بیر}

^{یوخونون حسرتینی کونلومده قالایر. باخیش سرحدلریم هر یانا باخسام}

^{اوجا دوارلارا توخانیر بو لعنته گلمیش حیصار، قولوملا دیلیمده کی}

 ^{زینجیری یادیما سالیر…!!}

^{اوزون زاماندیر قارانلیق منیم دونیامی بورویوب تکجه کیپریکلریمی}

 ^{بیربیرینه قووشدوراندا قارانلیق دامخادان اوزاقلاشیب، ایشیقلی گونلریم}

 ^{یادیما دوشور. هئچ بیلمیرم ائشیکده، تانرینین چؤلرینده گوندوز یوخسا}

 ^{گئجه دیر. کاشکی بو اوجا دووارلارین آراسیندا بیر بالاجا باجا}

 ^{اولوردو گئجه لر باجادان بیر پاریلدایان اولدوزلا گؤزلشیردیم… .}

^{سویوق دووارلارین باغرینی جیزیب بیر اولدوز یاراتمیشام آنجاق نه}

 ^{ایسه اونوندا گوجو بو قوجا قارانلیقا چاتماییر گیلئی یئری یوخ اودا}

 ^{پالچیق دان یارانیب گونش کونلونه ایشیق ساچماییب او ایشیقلا،}

 ^{پاریلتیلا اؤزگه سایلیر آنجاق من یورولمادان چالیشیرام مبارزه نی}

^{چوخ سئویرم قانیم چکیر یوخسا عاصیلیک وار سویومدا!  هر یوخودان}

^{آیلاندا بالاجا ایشیق سیز اولدوزومو یئنی دن یارادیرام بارماقلاریملا}

 ^{موهره دوواری یاریب اونا، اولدوزوما یئنی بیر ویقارباغیشلایرام بلکه}

^{بیر گون پاریلدایا ، بلکه بیرگون اونونلاگؤزله شیب قونوشام آخی من}

^{اولدوز سئودالیسی ایشیق وورغونویام قارانلیقلار دوستاقی اولسامدا}

^{ایشیقلی یوللار یولچوسویام. آرزی چیچگیمه ایشیق چاتماسا ، سولار.}

 ^{آرزیلاریمی قارانلیقلاردا ایتیرمگ ایسته میرم…}

^{قارا دووارین باغریندا یاراتدیغیم اولدوزون شیارلاری آرتیق چوخ درین}

^{بارماقلاریم اونا چاتماییر بو دامخادا چوخ یوخسولوم آرزی چیچکلریمی}

^{کئرچکلشدیرمگه یاردیم ائدنیم یوخ یالقوز قالان بارماقلاریما بیر}

^{یاردیمچی آختاریرام. یالنیز اولان سیرداشیم بلکه ده صبیر داشیم}

^{بارماقلاریمین دوغما یولداشی اینجه قلمیم منیم سسیمه سس وئریر یامان}

^{گونلریده منیم قایغما قالان، دردلریمی آغلایان، یولومدا یازان، اوره ک}

^{جوهرینی منیم دویغولاریما قوربان وئرن، زینجیرلر قیران قهرمانیم}

^{دؤیوش مارشی اوخویور اورگیمده یئنی بیر اومید دوغولور قولاریما}

^{گوج گلیر باشیمی قالخیزیب هئیکلیمی اوجالدیرام سانکی یوروش گاردی}

^{دوتورام ائله بیل کی اؤزومو بیر ساواش کامانداسی سانیرامبارماقلاریم،}

^{قلمیم، کونلومده کی اومیدلریم، فدایی اوردومون اؤلومسیز عسگرلری}

^{سایلیر.}

^{قلمیمی الیمه آلیرام دووارین جانینا دوشورم ائله چالیشیرام سانکی قلم}

^{یوخ قلینجیمی دوشمنین باغرینا سانجیرام عسگرلریمله یورولماز}

^{قهرمانلارکیمی ساواش جیبهه سیندهدؤیوش آپاریریق دوشمنه گؤز}

^{قیرپاقا امان وئرمیریک ظالیم دووارلارین جانینا ائله قورخو سالمیشیق}

^{کی بوتون هئیکلی قورخودان تیترئیر آرتیق قارا داشلاریدا اونو قورویا}

^{بیلمیر پارام پارچا اولوب ایاقلاریمیزا چؤکور. قورخماز ایگیدلریم جان}

^{و قان بهاسینا دوشمن اوردوسونا آغیر تلفات ورولار. ویقارلی اؤلمز و}

^{توکنمز قهرمانیم، قلمیم نئچه یئردن آغیر یارالار آلیبدی بارماقلاریمین}

^{باشیندان قان دامیر آنجاق کونلومده کی اومیدلریم آرتیق جانلانیبدیر.}

^{تایسیز قهرمانیم، ساواش مئیدانیندا بایراغمی اوجالدان قلمیم ،}

^{گوجونو توپلاییب دوشمن صفینده اولان سون قارا داشین باغرینا بیر}

^{خنجر کیمی تاخیلدی قارا داشی بؤلوب پارچالایب اونون یالانچی}

^{قورخولو هئیبتینی پوزوب آنجاق بیر بویوک اینامین قوربانی بیر شرفلی}

^{وعزتلی قهرمان کیمی جانینی ویقارلا یولونا، اینامینا قوربان وئریب}

^{کونوللرده ابدی یاشایشا ال تاپیر بارماقلاریم آغیر یارالار آلیبدیر آرتیق}

^{بیر شلاله کیمی قان آخیر ظفرلی بارماقلاریمدان.}

^{یورغونلوق قولاریما گوج گلیر هله لیک ساواشی دایاندیریریق اوزانیب}

^{بیر آز دینجلمک ایستئیرم کیپریکلریم آغیرلاشیب بیربیرینه قوشور بیر}

^{آن یوخو چؤکور گؤزلریمه قارانلیقلار اوزاقلاشیر ایتیر گؤزلریمدن بیر}

^{شیرین رویاده سوزورم قارانلیق دامخادان اوزاقلاشیب گؤیلرده گزیرم}

^{هریان ایشیقدیر باخیشلاریمین سرحدی یئر کوره سیندن سووشوب آیلا}

^{اولدوزلارا چاتیبدیر بیر اولدوز گلیب سینه ام اوستده دایانیب}

^{سانکی کؤینگیمه بیر گول کیمی تاخلیب غریبه بیر سس منی یوخودان}

^{اویادیر سانکی یاغیش یاغیر، یاغیش ده یمیش توپراقین ایسی نه خوش}

^{گلیر. بونا اینانمیرام اوزون زاماندیر بو دامخادا یاغیش اولماییب}

^{گؤزلریمی آچیرام بیر پاریتلی گؤزلریمی قاماشدیریر.}

^{قارانلیقلار باغریندا یاراتدیغیم، بلکه ده ساواش جبهه سینده اولدوز}

 ^{پاریلدایر منه گؤز وورور.}

^{گؤزلریم گؤزلشمگه بیر اولدوز تاپان کیمی حیران باخیر قالخیب}

^{یوخونلاشیرام اینانابیلمیرم منیم اولدوزوم پاریلدایر بیر ایشیقلی باجا}

^{کیمی ایشیقلی دونیایا منه یول آچیر.}

 ^{یاغیشلی گونون طراوتلی هاواسی اولدوز باجامدان دامخایا ایشیقلا}

^{برابر دولور آرتیق پاریلدایان اولدوز همیده ایشیقلی دونیایا بیر یول}

^{قازانمیشام بو بیر گئرچک دیر سئوینجدن قانات آچیب اوچورام قارانلیق}

^{قفسدن قورتولماق ایستیین بیر قوش کیمی اؤزومو باجایا چیرپیرام}

^{ایشیقلی دونیایا یول تاپیرام قارانلیق دامخادان، دوستاقدان}

^{قورتاریب ایشیقلی دونیایا آددیم آتیرام سانکی کونلومون ایستگی (ویقارا)}

^{چاتیرام.}

دونن سنه آغلادیم بو گون سنه آغلادیم ایللر بویی سنه آغلادیم

بو گون یئنه سنه آغلایاجاقام ، هاما ایچریمده بیر هارای قالیب

بیر آرزی آرزیلارین سونو ، مرحبا سئوگیلی وطنداش مرحبا

نازلی نازلی اوچسون گونی گوورچینم قورتولوش گوورچینیم مرحبا

دوستوم دوستوم منه بیر شی لر آنلات جانم چوخ سیخیلور

_{^{سئوگی گلدی عُومرون باهارچاغی کونولرده بیر قوش کیمی یوا قوردو من سارماشیخ کیمی}}

_{^{سارلدیم سنه وبئله دؤشوندوم کی سنده بیر هورومچک طوری کیمی هورولدون منه اورکدن،}}

_{^{جاندان ؟بیر جوت گورچین بیر ایشقلی یول زیروه لر، داغلار وده قایالاراوچوش قاناتلارینین}}

_{^{آلتیندامن بیرابدی اینام یولچوسو، بیر یورولماز یولچو اُوچوردوم بیر سئوگی منه امید وئریردی}}

_{^{بیر اینام منی یولا سا لمیشدی زیروه لر- داغلار یوخسا دنیز هچ بیری منی یورا بیلمدی طوفانلی}}

_{^{گئجه لری بیر آیدین صاباحا چاتما سینا دوزوردوم برانلی قیشلار اوچوروم قایالاریوخسولی}}

 _{^{ائیلرهچ بیری منیم سئوینجلی شانلی احوالمی پوزمادی منی بیر آدانین یالقزلقی یوردو منی یولچو}}

 _{^{سیز یولارا گوز تیکمک سارالدی منیم سارماشیخ چیچکلریمی بیر پالتا خولادی منی بیر سئوگنین}}

_{^{بیر اینامین اولومی یخدی یاندی کول اولدی سئوگی ایله اونون یالانچی خول  بوداخلاری}}

 _{^{حایاتلا وداع لاشیرام}}